آخر التحقيقات
بحث

زائف

الكلام ده غير صحيح. شقق مبادرة التمويل العقاري الجديدة مش “بالبطاقة” فقط، لكن هناك شروط تانية للحصول على شقة. كمان المبادرة حجمها 100 مليار جنيه بشكل مبدئي، يعني في حال كان متوسط سعر الشقة 500 ألف جنيه، فالمبلغ ده يكفي لشراء 200 ألف شقة فقط، وبالتالي مفيش خطة من السيسي لتحويل “مصر كلها إلى شعب …


حقيقة تصريحات محمد ناصر عن مباردرة التمويل العقاري الجديدة

Mar. 16, 2021 - اقتصاد
حقيقة تصريحات محمد ناصر عن مباردرة التمويل العقاري الجديدة
حقيقة-تصريحات-محمد-ناصر-عن-مباردرة-الت
الإدعاء

خلال حلقة أمس الاثنين من برنامج "مصر النهاردة" على قناة "مكملين"، محمد ناصر انتقد مبادرة التمويل العقاري الجديدة (تقسيط على 30 سنة بفائدة 3% متناقصة)، وقال إن "السيسي عاوز يحول مصر كلها إلى شعب من الغارمين (في حالة عدم سداد أقساط القرض) (...) إنت هتروح البنك بالبطاقة، بنك مصر أهو، وتقوله عاوز الشقة، هيديك الفيزا اللي إنت هتفرح بها، وتعالى يا حلو بقى سدد الأقساط بعد كده".
https://youtu.be/mOwvnvtYEWM?t=172

نتيجة التحري
الكلام ده غير صحيح. شقق مبادرة التمويل العقاري الجديدة مش “بالبطاقة” فقط، لكن هناك شروط تانية للحصول على شقة.✅✅
كمان المبادرة حجمها 100 مليار جنيه بشكل مبدئي، يعني في حال كان متوسط سعر الشقة 500 ألف جنيه، فالمبلغ ده يكفي لشراء 200 ألف شقة فقط، وبالتالي مفيش خطة من السيسي لتحويل “مصر كلها إلى شعب من الغارمين” زي ما “ناصر” بيقول، لأن عدد الشقق محدود جدًا. بالإضافة إلى إن كده كده اللي محتاج شقة في المبادرة، غالبًا عايش في شقة وبيدفع لها إيجار، فبدل ميدفع في إيجار ومش هيتملك، يدفع في شقة هتكون ملكه. ✅✅
“ناصر” ضرب مثال ببنك مصر في الحصول على شقة بالبطاقة فقط، بعد ما عرض تصريحات لرئيس البنك محمد الإتربي، بيقول فيها إنهم بيسهلوا الإجراءات البنكية بشكل كبير، لكن التصريح الأصلي الكامل لرئيس بنك مصر بيقول فيه إن بالبطاقة فقط تقدر تفتح حساب في البنك، وليس الحصول على شقة في مبادرة التمويل العقاري.✅✅
المبادرة تستهدف محدودي ومتوسطي الدخل، وبالتالي هيتم تحديد الحد الأدنى والأقصى لدخل الفئات دي كام، والحد الأقصى لسعر الوحدة السكنية المسموح لكل فئة بشرائها كام، عشان يتناسب مع الدخل ولا يحدث تعثر في السداد. كل التفاصيل دي من المتوقع الإعلان عنها الأسبوع المقبل بعد اجتماع مجلس إدارة البنك المركزي.✅✅
شروط مبادرات التمويل العقاري الحالية، تتطلب شروط وأوراق من المتقدم أكتر بكتير من البطاقة الشخصية، أبرزها إثبات دخل، وسن المتقدم، ونوع الوظيفة (حكومة/ قطاع خاص/ مهن حرة)، وعدم استفادة المتقدم من أي مبادرات تمويل سابقة، أو مشروعات إسكان الدولة.✅

المصادر

مراجع التحقق مصادر الادعاء

Tags

التمويل العقاري محمد ناصر مكملين

آخر التحقيقات

أجور منخفضة وشروط مجحفة.. "قلة قيمة الجنيه" تُطارد مصريين في الخليج

Nov. 28, 2024 - اجتماعي

"الأكثر تأثيرًا في العقد الأخير" | "تركي الشيخ" يفوز بجائزة تحت رعاية "تركي الشيخ".. لجنة التحكيم موظفون في شركات ومؤسسات سعودية

Nov. 26, 2024 - اجتماعي

"هزيمة 1967 مؤامرة دولية"..حقيقة تصريحات المخرج خالد يوسف

Nov. 25, 2024 - سياسي

تصريحات غير دقيقة لعصام حجي حول أسباب توقيع مصر على اتفاق مبادئ سد النهضة

Nov. 24, 2024 - سياسي

18.5 % زيادة خلال شهرين | لماذا ترتفع أسعار زيوت الطعام في مصر؟

Nov. 21, 2024 - اقتصاد

"الناس (في جزيرة الوراق) مش بتتهجر".. حقيقة تصريحات محمد الدسوقي رشدي

Nov. 21, 2024 - اجتماعي

الإفراج عن 9 مقابل "التهدئة" بعد تجدد الاشتباكات في جزيرة الوراق.. متصدقش تكشف تفاصيل مفاوضات الأمن الوطني و"كبار عائلات"

Nov. 20, 2024 - اجتماعي

240 % زيادة في عامين ونصف.. كيف ساهمت قرارات الحكومة في ارتفاع أسعار الخضروات؟

Nov. 20, 2024 - اقتصاد