حقيقة صرف 6 أشهر مكافئة للموظفين

– الكلام ده غير صحيح، مفيش اي قرارات بالشكل ده، ومحتوى الخبر نفسه مفيهوش الكلام المذكور في العنوان.✅‍✅

– محتوى الخبر بيتكلم عن تصريحات لوزير المالية قال فيها إن الرئيس عبد الفتاح السيسي وجه بدراسة وضع أجور الموظفين، وتم تشكيل لجنة لده، لكن مفيش فيه أي ذكر للي ورد في العنوان عن صدور قرار رسمي بصرف مكافأة 6 أشهر بحد أدنى 1800 جنيه للموظفين.

– بالفعل وزير المالية محمد معيط قال إن الرئيس وجه بدراسة وضع أجور العاملين في الدولة، وإنه تم تشكيل لجنة مشتركة بين وزارتي المالية والتخطيط والجهاز المركزى للتنظيم والإدارة للهدف ده. لكن مقالش إن في مكافأت هتتصرف للموظفين ولا حاجة.

– في قرار تاني صدر من مجلس إدارة الهيئة العامة للبريد بمنح جميع العاملين بالهيئة مكافأة 6 أشهر على الراتب الأساسي بحد أدنى 1800 جنيه ودون حد أقصى، وده بمناسبة إن الهيئة حققت فائض مالي للعام الرابع على التوالي.

– بعض المواقع بتكتب عناوين مضللة لجذب الجمهور لفتح الخبر مش أكتر.